Вазирлик ходимлари умумхалқ хайрия ҳашарида иштирок этишди

18.08.2019

Ўзбекистон Республикаси Вазирлар Маҳкамасининг 2019-йил 10-августдаги фармойишига биноан жорий йилнинг август ойи мамлакатимизда ободонлаштириш ва тозалик ойлиги ҳамда 17-18-август умумхалқ хайрия ҳашари кунлари, деб эълон қилинди.

Ахборот технологиялари ва коммуникацияларини ривожлантириш вазирлиги томонидан 17-18-август кунлари ҳашар ўтказилди. Унда вазирлик ходимлари фаол иштирок этдилар.

Ҳашар мобайнида манзарали дарахтларни оқлаш ва буташ ишлари олиб борилди, кўчалар, йўлаклар тартибга келтирилиб, бино ва унинг атрофи ободонлаштирилди.

Манба: Ахборот хизмати