МДҲ минтақалари ва араб давлатлари учун АКТ соҳасидаги статистика бўйича ХEИнинг ҳамкорликдаги семинар-практикуми

МДҲ минтақалари ва араб давлатлари учун АКТ соҳасидаги статистика бўйича ХEИнинг ҳамкорликдаги семинар-практикуми
12.02.2019

12-14 февраль кунлари Тошкентда МДҲ минтақалари ва араб давлатлари учун АКТ соҳасидаги статистика боʻйича Халқаро электрон алоқа иттифоқи (ХEИ)нинг ҳамкорликдаги семинар-практикуми бўлиб ўтмоқда.

Семинар-практикум доирасида ХEИнинг ахборот-коммуникация технологиялари соҳасидаги статистикани тўплаш, қайта ишлаш соҳаси билан боғлиқ барча саволлар спектри муҳокама қилинмоқда.

Тадбирда ХEИнинг етакчи мутахассислари, Озарбайжон, Беларус, Қозоғистон, Қирғизистон, Россия, Миср, Уммон, Судан, Жибути, Қатар, Нигерия, Ироқ, Мавритания, Жазойир ва бошқа кўплаб давлатлардан вакиллар иштирок этмоқда.

Семинар очилишида Ахборот технологиялари ва коммуникацияларини ривожлантириш вазирининг биринчи ўринбосари О. Умаров тадбир иштирокчиларига қутлов нутқи билан сўзга чиқди. У, ўз нутқида, ушбу тадбир мутахассисларнинг кенг қатлами учун телекоммуникациялар соҳасидаги статистик маълумотларни тўплаш, таҳлил қилишнинг долзарб йўналишлари бўйича тажриба алмашишлари ва малака оширишлари учун самарали майдон эканини таъкидлади.

Эътироф этиш жоизки, иқтисодиёт, бизнеснинг изчил ривожланиб бориши ҳамда мамлакатимизда ижтимоий янгиланишлар шароитида АКТ соҳасидаги статистика ижтимоий-иқтисодий жараёнлар ва воқеликлар ривожининг обектив қонунларга асосланганлигини, шунингдек, аниқ макон ва замон шароитида улар ўртасидаги ўзаро боғлиқликларни аниқлаш ва ўлчаш имкониятини тақдим этади.

Уч кун давомида семинар-практикум иштирокчилари статистика маълумотларини тўплаш ва уларни ХEИга тақдим этилиши сифатини оширишга хизмат қилувчи АКТ ривожланиши индекси (IDI), индикаторлар ҳамда уларнинг ҳисоб-китоблари методологиялари борасида ва бошқа кўпгина қизиқарли, фойдали маълумотларга эга бўладилар.

ХEИнинг ушбу семинар-практикуми доирасида, шунингдек, жорий йилнинг 14 февралида Алоқа соҳасида минтақавий ҳамдўстлик (АМҲ) комиссиясининг ахборот коммуникациялари иқтисодиёти бўйича 39 йиғилишини ўтказиш режалаштирилган.

Манба: Ахборот хизмати


Дата: 2019-02-13 06:55:55