Ўзбекча

Авторизация Бизга ёзинг Сайт ҳаритаси

Логин:
Пароль:

Для просмотра необходим Adobe Flash Player версии 9 или выше.
Скачать Flash Player
Бош саҳифа  /  Матбуот маркази

Матбуот маркази

Вазирлик делегацияси АҚШ нинг \"Кремний водийси\"да музокаралар ўтказди

20.09.2017

Ўзбекистон Республикаси Президенти Шавкат Мирзиёевнинг Америка Қўшма Штатларига ташрифи доирасида, Ахборот технологиялари ва коммуникацияларини ривожлантириш вазирлиги делегацияси ҳукумат топшириғи асосида Калифорния штатидаги "Кремний водийси"да бўлиб, бу ерда фаолият кўрсатувчи жаҳоннинг нуфузли АТ-компаниялари билан ҳамкорлик юзасидан музокаралар олиб борди

Хусусан, HP Tech Ventures компаниясининг глобал стартаплари сармоядори ҳисобланган Виталий Голомб билан учрашувда "Кремний водийси" мисолида Ўзбекистонда технопарклар эко-тузилмаси ҳамда инновацион марказлар фаолиятини ташкил қилиш ва қўллаб-қувватлаш келишиб олинди. Шунингдек, Ўзбекистондаги АТ-стартаплар учун инвестицияларни жалб қилишнинг муваффақиятли механизмини йўлга қўйишда ҳамкорлик қилиш имкониятлари муҳокама диққат-марказида бўлди.

Amazon Web Services (Амазон компаниясининг "булутли хизматлар" кўрсатувчи инфратузилма платформаси) бош менежери Камфиус Бас билан ўтган учрашувда Ўзбекистон ҳудудида қуёшли панелларда ишлайдиган маълумотларни қайта ишлайдиган дата-марказлар қуриш, шунингдек ўзбекистонлик фойдаланувчилар учун Amazon Web Servisec платформаси орқали веб-хизматларни кўрсатиш масалаларига бағишланди.

Тармоқли технологиялар, аҳоли ва муассасалар учун илғор мулоқот ва алоқа алмашиш платформаларини ишлаб чиқишда жаҳонда пешқадам ҳисобланган Ciscо компаниясининг стратегия, технология ва инновациялар бўйича вице-президенти Доуг Вебстер билан музокаралар бўлиб ўтди. Унда Ўзбекистонда "ақлли" ва хавфсиз шаҳар яратиш стратегиясини ишлаб чиқишда ҳамкорлик қилиш белгилаб олинди. Учрашув натижалари бўйича қатор йўналишлар бўйича истиқболдаги ҳамкорликка оид келишув шартномаси имзоланди.

"Кремний водийси"даги яна бир муваффақиятли учрашувлардан бири Фаcебоок компаниясининг бош қароргоҳида бўлиб ўтди. Компанияни иқтисодий ривожлантириш бўйича раҳбари Клейр Деви иштирокидаги муҳокамаларда Facebook вакилларининг Ўзбекистондаги ИТ-тадбирларида иштирок этиши, шу билан бирга, турли йўналишларда, жумладан тадбиркор аёлларни қўллаб-қувватлаш, кичик ва ўрта бизнесни ривожлантириш, стартапларни амалга ошириш каби ижтимоий лойиҳаларда ҳамкорлик қилиш режалари муҳокама қилинди.

Мазкур учрашувда Ўзбекистон Республикаси Президентининг Facebook тармоғидаги саҳифасига расмий мақом бериш бўйича ҳам келишиб олинди. Шу билан бирга, ижтимоий тармоқдаги давлат хизматчиларининг саҳифаларини қўллаб-қувватлаш ва оммалаштириш чораларини кўриш юзасидан ҳамкорлик ўрнатилиши белгилаб олинди.

Шунингдек, Ахборот технологиялари ва коммуникацияларини ривожлантириш вазирлиги делегацияси "Кремний водийси"даги сафари мобайнида Google компаниясининг ИТ-лойиҳалар ва стартапларни қўллаб-қувватлайдиган Google Launchpad дастури мутасаддилари, жаҳон миқёсида муваффақиятли ғояларни амалга оширувчи бизнес-инкубатори - Plug and Play Tech Center технологик компанияси, шунингдек мазкур AТ-водийсида дастурчилар тайёрлашга ихтисослашган "42 School" таълим муассасаси асосчиси ва вице-директори Кваме Ямгнане билан учрашувлар бўлиб ўтди.

Онлайн тўлов тармоқларини яратишда етакчи бўлган Опенбуcкс компаниясида компания ва Тошкент шаҳридаги Инҳа университети ўртасида англашув меморандуми имзоланиб, америкалик экспертларнинг ўзбекистонлик талабалар, дастурий таъминот ишлаб чиқарувчилари билан учрашувларини ташкил қилишга мўлжалланган Silicon Valley Talks ("Кремний водийси" келишувлари) лойиҳаси доирасида ташаббусларни амалга ошириш келишиб олинди.

Манба: Ахборот хизмати