Алишер Навоий таваллудининг 580 йиллиги муносабати билан навоийхонлик тадбири бўлиб ўтди

“UNICON.UZ” - Фан- техника ва маркетинг тадкикотлари маркази давлат унитар корхонасида 10 февраль куни буюк мутафаккир Алишер Навоий таваллудининг 580 йиллигига бағишланган тадбир бўлиб ўтди. 

Тадбирда "Маънавий ҳаёт" журнали бўлим бошлиғи, шоир Шодмонқул Салом ҳамда таржимон, журналист Нигора Умаровалар иштирок этиб, Алишер Навоий ижодининг дунё цивилизацияси, туркий халқлар адабиёти ривожланиши, ўзбек адабий тили шаклланишидаги ўрни ҳақидаги фикрлари билан ўртоқлашишди.

Журналист Нигора Умарованинг Навоийнинг давлат арбоби сифатидаги фаолиятига оид маълумотлари иштирокчиларда катта қизиқиш уйғотди. Хусусан, Алишер Навоийнинг Навоийнинг ўз даврининг буюк мутафаккири, сўз устаси бўлиши билан бирга, кишиларга яхши сўз билан таъсир эта билиш санъатини жуда қадрловчи, улуғловчи, бундай санъат усталарига эътибор қилиб, эҳтиром кўрсатувчи шахс бўлганликлар ҳақида алоҳида тўхталиб ўтилди.

Навоийхонлик тадбирида иштирокчилар томонидан шоирнинг ўзбек тилидаги ғазалларидан намуналар ўқилди.
Меҳмонларга эсдалик совғалар улашилди.