Ўзбекистонда биринчи «ASPEX BI SCHOOL» BI таҳлилчилар мактабининг очилиши

06.03.2019
5-март куни Тошкентдаги Инҳа университетида тарихий воқеа рўй берди – Ўзбекистонда биринчи «ASPEX BI SCHOOL» BI таҳлилчилар мактабининг очилиши бўлиб ўтди.

Рақамли маълумотларни автоматлаштириш, тўплаш ва қайта ишлаш, бизнес-таҳлил, тадрижий ҳисоботлар ва прогнозлар соҳасида “ASPEX” – Қозоғистон ИТ-бозори етакчиси ҳисобланади.

Ушбу тадбир доирасида Тошкентдаги Инҳа университетининг иқтидорли талабаларига грантлар ажратиш назарда тутилган ҳолда, BI  таҳлилчиларни тайёрлаш бўйича уч ойлик ёзги курсларни ташкил этиш бўйича шартнома имзоланди.

«ASPEX BI SCHOOL» – бу компанияларнинг маълумотлар массиви билан ишловчи ва таҳлилий ҳисоботлар тайёрловчи Full-stack BI таҳлилчиларини тўлақонли равишда уч ой давомида тайёрлаш ва ўқитишдир. Power BI бўйича ўқув дастури Power BI билан қулай тарзда ишлаш имконини тақдим этувчи биринчи графикни яратишдан тортиб, энг янги илғор техникалардан фойдаланишга қадар турли мавзуларни қамраб олади.

Манба: Ахборот хизмати