«Thales» компанияси вице-президенти билан учрашув

 

28.06.2019

28-июнь куни Ахборот технологиялари ва коммуникацияларини ривожлантириш вазири Ш.Содиқов «Thales» француз компаниясининг Евроосиё минтақаси бўйича ҳудудий вице-президенти Оливье Ашар билан учрашди. 

Вазир меҳмонни қутлар экан, Ўзбекистон Республикаси Президенти Ш.Мирзиёев томонидан мамлакатимиз иқтисодиётига рақамли ва космик технологияларни жорий этиш вазифаси юкланганини айтиб ўтди. Бутун дунёда машҳур ҳамда етакчи рақамли ва космик технологияларга эга бўлган, шунингдек, мазкур соҳаларда ишлаб чиқариш билан шуғулланувчи «Thales» компанияси билан ҳамкорлик ушбу йўналишга сезиларли кўмак бериши мумкинлигини таъкидлади.

«Thales» француз компаниясининг Евроосиё минтақаси бўйича ҳудудий вице-президенти Оливье Ашар ҳамкорликни йўлга қўйишга, жумладан, Ўзбекистонга космик соҳа учун кадрлар тайёрлашга тайёр эканини билдирди.

Суҳбат давомида томонлар рақамли ва космик соҳадаги ҳамкорликнинг истиқболлари ҳақида фикр алмашдилар.

Манба: Ахборот хизмати