«Алоқа ва ахборотлаштириш соҳасида ахборот хавфсизлиги муаммолари» мавзуидаги Республика илмий-техник семинари натижалари

2020 йил 29 октябр куни бўлиб ўтган «Алоқа ва ахборотлаштириш соҳасида ахборот  хавфсизлиги муаммолари» мавзуидаги видеоконференцалоқада турли вазирлик, идора, ташкилотлар ва ОЎЮдан келган турли даражадаги 100 тача мутахассис, ёш олимлар, магистрант ва талабалар ҳамда ахборот хавфсизлиги соҳасидаги етакчи экспертлар иштирок этди: Ахборот технологиялари ва коммуникацияларини ривожлантириш вазирлиги, ХТВ, «Киберхавфсизлик маркази» ДУК, «UNICON.UZ» ДУК, Мудофаа Вазирлиги, ИИВ, «ЭМММ» ДУК, Ўзбектелеком ва унинг филиаллари, ТАТУ ва унинг филиаллари, “Ўзбекистон почтаси”, ЎзР миллий банки, АТ “Алоқабанк”, Узмобайл, “Coscom” МЧЖ, “UMS” МЧЖ, “Unitel” МЧЖнинг Сирдарё вилояти бўлими ва бошқалар.

Видеоконференцалоқа пайтида ахборот хавфсизлигини ривожлантириш соҳасидаги масалалар  кенг муҳокама қилинди. Семинар қатнашчилари семинарни ўтказилиши долзарблигини таъкидладилар ва қуйидаги қарорлар қабул қилинди:

1. Семинардаги юқори сифатли мақолаларни республика журналларида чоп эттириш тавсия қилинсин.
2. Семинарда тақдим этилган долзарб масалалар бўйича таклифларни Вазирликнинг «2021 йил учун устувор тадқиқотлар» режасига киритиш таъминлансин.
3. Ахборот хавфсизлиги ва киберхавфсизлик бўйича замонавий меъёрий-ҳуқуқий базани ривожлантириш таъминлансин.
4. Республикада ахборот хавфсизлигини ривожлантириш мақсадида давлат органлари, илмий-техник марказлари ва тижорат корхоналари билан ҳамкорликни мустаҳкамлаш ишлари амалга оширилсин.
5. Ахборотни криптографик муҳофаза қилишнинг замонавий  миллий алгоритмларини кенг тадбиқ қилинсин.
6. Ахборот хавфсизлиги соҳасида мутахассисларни тайёрлаш, қайта тайёрлаш ва малакасини ошириш тизимини такомиллаштириш ишлари амалга оширилсин.

 

Қабул қилинган тавсиялар қуйидаги ташкилотлар, вазирлик ва идораларнинг кейинги иш фаолиятида қўлланилиши мумкин:  МХХ, ИИВ, мобиль алоқа операторлари, алоқа ва ахборотлаштириш соҳасидаги қўшма корхоналар, магистр ва изланувчилар, ёш мутахассислар ва бошқа вазирлик ва идоралар.