Cisco заифликларни бошқариш платформасини ишлаб чиқувчиси Kenna Security'ни сотиб олади

Cisco компанияси хавфга асосланган заифликларни бошқариш платформасини ишлаб чиқувчи Kenna Security'ни сотиб олади. Kenna технологиялари Cisco компаниясининг SecureX платформасини бир қисми бўлиши кутилмоқда. Kenna Security компаниясининг штаб-квартираси Калифорнияда жойлашган.

Kenna - 2018 йилда Duo Security'ни 2,35 миллиард долларга сотиб олганидан буён Cisco'нинг биринчи йирик харидидир. Kenna Security харидининг нархи ошкор қилинмаган.

Kenna Security маҳсулотлари таҳдид ва заифликларни пайдо бўлиши ва аниқланиши билан кузатиб бориш учун машиналарни ўрганиш ва маълумотларни таҳлил қилиш каби технологиялардан фойдаланади. Ҳозирги вақтда Kenna маҳсулотлари 14 миллион компанияда фойдаланилади, бу маҳсулотлар томонидан кузатилган жами заифликлар сони 12,7 миллиардга етади.

Эслатиб ўтамиз, жорий йилнинг иккинчи чорагида Cisco'нинг "хавфсизлик" бўйича даромади 10 фоизга ўсиб, 822 миллион долларни ташкил этди.