Коррупцияга қарши курашиш фаолиятини самарали ташкил этишга доир тадбир

Жорий йилнинг 12 июль куни “UNICON.UZ” – Фан-техника ва маркетинг тадқиқотлари маркази давлат унитар корхонасида Ўзбекистон Республикаси Президентининг “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги қарори лойиҳаси мазмун-моҳияти юзасидан йиғилиш бўлиб ўтди.

Тадбирни “UNICON.UZ” ДУК юристконсульти Ф. Шамсудинова олиб борди.

Маърузада коррупцияга қарши курашиш агентлиги томонидан “Коррупцияга оид жиноятларни содир этишда айбдор деб топилган шахсларнинг очиқ электрон реестри”, уларга қўйилган таъқиқлар ҳамда мол-мулкини мажбурий декларация қилиш тизими ҳақида сўз юритилди.

Шунингдек, Ўзбекистон Республикаси Президентининг “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида”ги Фармони ҳамда коррупцияга қарши курашиш бўйича чора-тадбирларнинг амалга оширилишини самарали ташкил этиш тизимини жорий этиш ҳақида атрофлича тўхтаб ўтилди.