“Astrum” IT-akademiyasida “Global raqamli yetakchilikning asosiy omili sifatida startap ekotizimlarining mintaqaviy hamkorligi – Startup Central Eurasia Platform” mavzusida xalqaro seminar bo‘lib o‘tmoqda

Xalqaro elektraloqa ittifoqi bilan hamkorlikda 2021-yil 25 va 26-noyabr kunlari Toshkent shahrida “Astrum” IT-akademiyasida “Global raqamli yetakchilikning asosiy omili sifatida startap ekotizimlarining mintaqaviy hamkorligi – Startup Central Eurasia Platform” mavzusida xalqaro seminar bo‘lib o‘tmoqda.

Seminar doirasida mintaqa mamlakatlarida startap-ekotizimlarini rivojlantirish masalalari muhokama qilinadi, “Startup Central Eurasia Platform” onlayn platformasi va uning funksional imkoniyatlari taqdim etiladi, hamda qo‘shma xalqaro loyihalarni amalga oshirishga yo‘naltirilgan mintaqa davlatlari ko‘rib chiqiladi. Seminar gibrid formatda, rus va ingliz tillarida o‘tkaziladi.