Uzpost - “Oʻzbekiston pochtasi” AJ oʻzining “Yangi imkoniyatlar kuchi” nomli rebrending jarayonini taqdimot qildi

"O‘zbekiston pochtasi" AJ tomonidan pochta jo‘natmalarini rasmiylashtirish jarayonlarini optimallashtirish va muddatlarini qisqartirish maqsadida pochta mijozlari uchun yangi imkoniyatlar taqdim etadigan yangi “Uzpost” brendi taqdim etildi.

Yangi ranglar-“olov rang” va “to‘q ko‘k”- iliqlik, quvonch, energiya, mehribonlik, ishonchlilik va professionalizm ramzini ifodalaydi. Uchta chiziq shaklidagi logotipning qanotlari pochta yo‘llarini, imzo-belgi tasvirini — pochtani muvaffaqiyatli yetkazib berishni va topshiriqlarni bajarishni anglatadi.

Yangi tizimning to‘liq ishga tushirilishi joriy yilning oxirigacha rejalashtirilgan.