O‘zbekistonda vaqt va chastota laboratoriyasi ishga tushdi

O‘zbekiston Texnik jihatdan tartibga solish agentligi huzuridagi O‘zbekiston Milliy metrologiya instituti qoshidagi Vaqt va chastota etaloni metrologik laboratoriyasi ochilishi munosabati bilan, 2023-yil 6-noyabr kuni “Vaqt va chastota birliklarining milliy standartini, Milliy UTC(UZ) vaqt shkalasini yaratish va iqtisodiyot tarmoqlarini aniq vaqt bilan taʼminlash” mavzusida ilmiy-amaliy seminar boʻlib oʻtdi.

Seminarda 50 dan ortiq ishtirokchi, jumladan, “UNICON.UZ” MChJ xodimlari ishtirok etib, Turkiya milliy metrologiya instituti (TÜBİTAK UME) va UzNIM vakillarining ma’ruzalari va taqdimotlarini tinglashdi. 
Ilmiy-amaliy seminar yakunlangach, yangi laboratoriyaning ochilish marosimi bo‘lib o‘tdi.